ڪتاب جو نالو | ٻليءَ جي نسل جا جانور |
---|---|
ليکڪ | خير محمد لغاري |
ڇپائيندڙ | سنڌي ٻوليءَ جو بااختيار ادارو |
ISBN | 969-8194-08-8 |
قيمت | 150 روپيا |
ڪتاب ڊائونلوڊ ڪريو | PDF E-Pub |
انگ اکر | 5 December 2017 تي اپلوڊ ڪيو ويو | 13724 ڀيرا پڙهيو ويو |
هيءَ ، ٻلين جي ڪا قدرتي جنس نه آهي، پر ويهين صديءَ جي اڌ ڌاري ٿائي ۽ آمريڪي (Shorthair(ٻلين جي ميلاپ مان پيدا ٿيل ٻسر آهي. هيءَ وچولي ۽ مضبوط مشڪن واري ٻلي آهي. سندس بنياد ي رنگ چاڪليٽي ۽ بادامي آهي، ان سان گڏ هن جا ڪجهه ٻيا رنگ به ٿين، جن ۾ سونهري، هيڊو واڱڻائي، اڇو ۽ ڪارو ذڪر جوڳا آهن. هن ٻليءَ جا ڪن ۽ پڇ وڌيڪ گهري چاڪليٽي يا بادامي رنگ جا ٿين ٿا، جڏهن ته بوناڙ، سينو ۽ پير گهڻو ڪري اڇا ٿيندا آهن ۽ سندس ٻُر ٿلهي ۽ لسي ٿيندي آهي.
سِنوشُو ٻليءَ جي مٿي کان پولهه تائين سراسري ڊيگهه تقريباً ٻه فوٽ ۽ وزن 4 کان 5 ڪلو گرام ٿئي ٿي.
سِنوشُو چست، دوست مزاج، گهڻو پيار ڪندڙ ۽ وفادار ٻلي آهي. اهڙي طبيعت ۽ مزاج جي لحاظ کان گهڻي پسند ڪئي وڃي ٿي. هن کي اڪيلائي اصل ڪانه وڻي، جنهن ڪري هميشه گهرڀاتين ۽ ماڻهن جي ميڙ ۾ رهي خوشي محسوس ڪندي آهي. هي ٻلي مالڪ جو ڌيان پاڻ ڏانهن ڇڪائڻ لاءِ ميائون ميائون ڪندي آهي. اهڙين انوکين عادتن سبب هي پالتو ٻلي دنيا ۾ گهڻي مشهور آهي ۽ وڏي شوق سان پالي وڃي ٿي.
’سِنو شُو‘ ٻليءَ جي مادي هڪ پيٽ تي 2 کان 4 ٻچا ڄڻي ٿي ۽ سندس سراسري عمر 14 سال ٿيندي آهي.