| ڪتاب جو نالو | ٻليءَ جي نسل جا جانور |
|---|---|
| ليکڪ | خير محمد لغاري |
| ڇپائيندڙ | سنڌي ٻوليءَ جو بااختيار ادارو |
| ISBN | 969-8194-08-8 |
| قيمت | 150 روپيا |
| ڪتاب ڊائونلوڊ ڪريو | PDF E-Pub |
| انگ اکر | 5 December 2017 تي اپلوڊ ڪيو ويو | 13688 ڀيرا پڙهيو ويو |
انڊونيشيا جي اولهه ۾ ’بالي‘ (Bali) نالي هڪ ٻيٽ آهي، جيڪو جاوا(java) ۽ لومباڪ(lombak) ٻيٽن جي وچ ۾ آهي، هن ٻيٽ تي موجود ٻيلن ۾ رهندڙ واگهه کي ’بالي واگهه‘ سڏيو ويندو هو. اندازو آهي ته واگهه جي هيءَ جنس ويجهڙائي وارن ڏهاڪن ۾ ختم ٿي چڪي آهي، پر سندس پراڻيون تصويرون اڄ به موجود آهن. پر اهو به ممڪن آهي ته بالي ٻيٽ جي ٻيلن ۾ هن نسل جي جانور جا ڪي جوڙا اڃا به موجود هجن، پر ان جي باقاعده ڳولا نه ڪئي وئي آهي.
بالي واگهه دنيا جو ننڍي ۾ ننڍو واگهه آهي جنهن جي هڪ نر جو وزن 90 کان 100 ڪلوگرام آهي، جڏهن ته ماديءَ جو وزن 65 کان 80 ڪلو گرام ٿئي ٿو. تصوير ۾ ڏيکاريل هي بالي واگهه 27 سيپٽمبر 1937ع تي ماريو ويو هو.
