ڪتاب جو نالو | ٻليءَ جي نسل جا جانور |
---|---|
ليکڪ | خير محمد لغاري |
ڇپائيندڙ | سنڌي ٻوليءَ جو بااختيار ادارو |
ISBN | 969-8194-08-8 |
قيمت | 150 روپيا |
ڪتاب ڊائونلوڊ ڪريو | PDF E-Pub |
انگ اکر | 5 December 2017 تي اپلوڊ ڪيو ويو | 13645 ڀيرا پڙهيو ويو |
ٿائي ٻلي (Siamese) ننڍي ٻُر واري شارٿيئر گروپ جي ٻلين جي هڪ پالتو جنس آهي، هن ٻليءَ جو اصل وطن ٿائيلينڊ آهي، جتي ٻڌ مندرن ۾ کيس عام جام ڏسي سگهجي ٿو. هن ٻليءَ جو شمار دنيا جي آڳاٽين ٻلين ۾ ٿئي ٿو. سندس منهن مهانڊو ’بِرمن‘ Birman ٻليءَ جهڙو آهي. هن جا ڪن وڏا ۽ پڇ مٿي وريل ٿئي ٿو. جڏهن ته پڇ ۽ نڪ جو رنگ ڪارو هوندو آهي. ٿائي ٻليءَ جا ڪيترائي رنگ ٿين ٿا، جن ۾ ڀورو، بوسڪي، هيڊو بادامي، اڇو سليٽي ۽ ڳاڙهو شامل آهن.
ٿائي ٻليءَ جي ڪلهن کان پولهه تائين ڊيگهه هڪ کان ٻه فوٽ ۽ وزن 4 کان 5 ڪلو گرام ٿيندو آهي.
هي ذهين ۽ سماجي وهنوار واري ٻلي آهي، ان ڪري گهڻي پسند ڪئي وڃي ٿي. اڄڪلهه سندس نسل ۾ ڪجهه گهٽتائي اچي وئي آهي، جنهن ڪري سندس نسل راني ڪئي پئي وڃي . پالتو ۽ دوست مزاج هئڻ ڪري ٿائي ٻليءَ کي برطانيا ۽ آمريڪا ۾ شوق سان پاليو وڃي ٿو.
ٿائي هڪ پيٽ تي ٻه کان چار ٻچا ڄڻي ٿي، اڄڪلهه هي ٻلي ٿائيلينڊ، برما، برطانيا ۽ آمريڪا کان سواءِ دنيا جي ٻين ڪيترن ئي ملڪن ۾ وڏي ملهه وڪامي ٿي.