| ڪتاب جو نالو | ٻليءَ جي نسل جا جانور |
|---|---|
| ليکڪ | خير محمد لغاري |
| ڇپائيندڙ | سنڌي ٻوليءَ جو بااختيار ادارو |
| ISBN | 969-8194-08-8 |
| قيمت | 150 روپيا |
| ڪتاب ڊائونلوڊ ڪريو | PDF E-Pub |
| انگ اکر | 5 December 2017 تي اپلوڊ ڪيو ويو | 13678 ڀيرا پڙهيو ويو |
پاڪستان جي ٿڌن علائقن ۾ رهندڙ تيندئي کي ايراني تيندئو سڏجي ٿو. تيندئي جي هن قسم جو دنيا ۾ ڪل تعداد 1300 سؤ آهي. ٻليءَ جي نسل واري هن جانور کي ”ايراني تيندئو“ ان ڪري چون ٿا جو هن جو وڏو تعداد (600 کان 800) ايران ۾ رهي ٿو. هن تيندئي جي هڪ صحتمند نر جي ڌڙ کان ڪلهن تائين ڊيگهه اڍائي کان 3 فوٽ ۽ وزن 70 کان 75 ڪلوگرام ٿيندو آهي ۽ پهرين نظر ۾ ڏسڻ سان ڪنهن وڏي ٻليءَ جيان لڳندو آهي.
ايراني تيندئو اڪثر جابلو ۽ نيم جهنگلي علائقن ۾ رهندو آهي جتي شڪار ڪري پنهنجو پيٽ پالي ٿو. هن جي خوراڪ ۾ هرڻ، جهنگلي توڙي پالتو ٻڪريون، رڍون، سوئر ۽ ڪتا شامل آهن.
پاڪستان جي اُترين علائقن، بلوچستان ۽ سنڌ جي جابلو سلسلي کان سواءِ هي تيندئو ايران، آزربائيجان، ترڪي، جارجيا، ترڪمانستان، ازبڪستان، روس، آرمينيا، تاجڪستان ۽ افغانستان وغيره ۾ پڻ ملي ٿو. هن تيندئي کي سنڌي يا بلوچستاني تيندئو پڻ سڏيو ويندو آهي.
