هوڪن جي بازار، ٻارو! هوڪن جي بازار.
مائي واري قُلفي آهي، کائو ٻارو کائو!
قُلفي منهنجي کائو ٻارو، قلفي ٺنڊا ٺار،
ٻارو، هوڪن جي بازار!
جيڪو کائي چَڻا اسان جا، ڳائيندو سو راڳ،
ٽيههَ مَسالا، چَهريون چَٽڻيون، مٿان ليمي لار،
ٻارو! هوڪن جي بازار!
ڳُڙڌاڻيءَ جي ڳالهه نـِرالي، کائي ڏس ڳُڙڌاڻي،
جيڪو ٻار رُسي تَنهن کي ڏيو، ڳُڙڌاڻيءَ جي مارَ،
ٻارو! هوڪن جي بازار!
آواز: ماسٽر محمد ابراهيم، خيرالنساءِ ميمڻ ۽ ساٿي شاعر: سيد منظور نقوي
(1997-1924ع)
