يارَ، ڪريو او مچَ تي وارو!
سي، سي، سي، سي...آيو سيارو.
جڏهن اُتر جي لڳي هوا،
تڏهن اچي ٿو ياد خُدا.
سيءُ سُڪائي سَنڌَ صفا،
ڄڻِ ته پوي پيو پارو!
يارَ، ڪريو او مچَ تي وارو!
ننڍڙي ننڍڙي ٽڪـِلين واري،
سائي هُجي يا اَڇي ڪاري،
جـهـڙي تـهــڙي رِلــي پيـاري،
رات جو آهه سهارو!
يارَ ڪريو او مچ تي وارو.
نانــي ٻُـڍِڙيءَ دونـهـِيـن دُکـائـي،
ويٺـي پنـهنـجـا خــيـال پـچـائـي،
سـاري گهر کان لـِڪي، لڪائي،
چٽي ٿي ڳُڙ جو ڏارو!
يارَ، ڪريو او مچ تي وارو!
سي، سي، سي، سي...آيو سيارو!
يارَ ڪريو او! مچ تي وارو.
آواز: رجب علي شاعر: علي محمد مجروح
(1997- 1926ع)
