هي واگهه جي نسل جي هڪ جنس آهي، جيڪا ڏکڻ چين جي هڪ صوبي فُجيئان (Fujian)۽ ڪوريا ۾ رهي ٿي. قدبت ۽ وزن جي لحاظ کان هي واگهه به پنهنجي نسل جي ٻين واگهن جهڙو ئي آهي ۽ رڳو هڪ ڳالهه ۾ هي ٻين واگهن کان نرالو آهي، جو سندس رنگ، پنهنجي خاص سونهن سبب ٻين واگهن کان کيس الڳ ڪري بيهاري ٿو. ڌاتو رنگي يا نيري واگهه جي ٻُر ڌاتوءَ جي رنگ جهڙي يا هلڪي نيري ۽ سليٽي ٿيندي آهي ۽ جسم تي ڪاري رنگ جا پٽا ٿين ٿا. خونخوار هئڻ باوجود سهڻي ۽ نرالي رنگ جي سبب دنيا ۾ هن واگهه جي گهڻي طلب آهي، جنهن ڪري شڪاري سندس ٻچا هٿ ڪري مارڪيٽ ۾ وڪڻي ڇڏين ٿا، اهو ئي سبب آهي جو اڄڪلهه سندس تعداد ۾ ڏينهو ڏينهن گهٽتائي ٿي رهي آهي.
سائنسي ۽ معلوماتِي
ٻليءَ جي نسل جا جانور
خير محمد لغاري
سنڌي لئنگئيج اٿارٽيءَ جي ريسرچ سيل يا تحقيقي شعبي ۾ گهڻي عرصي کا ڪي اڻپورا مسودا پيل هئا، جن تي فردن جي محنت ۽ اداري جا فنڊ سيڙايل هئا. ان ڳالهه کي محسوس ڪندي گذريل سال کان اهڙا مسودا ، جيڪي اڳوڻن بورڊ آف گورنرس پاران منظور ٿيل هئا، سي...