سنڌي ورچوئل لائبرري

سنڌي لئنگئيج اٿارٽيءَ پاران ٻاراڻي ادب جي اشاعت جي سلسلي ۾ هيءُ ڪتاب ”هڙ ۾ آئيندو“ ٻارن لاءِ آکاڻين جو مجموعو آهي، جيڪو محترم فقير شهمير چانڊيي تيار ڪيو آهي. ٻار اسان جي آئيندي جا اڏيندڙ آهن، انهن کي پنهنجي ٻوليءَ ۾ ڪتاب پڙهڻ جي هيرَ وجهڻ لاءِ ضروري آهي ته معلوماتي سائنسي ڪتابن سان گڏ نصيحت آموز ڪهاڻين يا نظمن جا ڪتاب پڙهڻ لاءِ ڏجن. انهيءَ مقصد کي آڏو رکي سنڌي لئنگئيج اٿارٽيءَ جي پبليڪيشن ڪميٽيءَ هن ڪتاب جي منظوري ڏني، جيڪو ڇپجي اوهان جي هٿن ۾ پهتو آهي، جنهن لاءِ پبليڪيشن بيورو جس لهڻي، اسان کي اميد آهي ٻارڙا هن ڪتاب جي ڪهاڻين کي نه صرف پسند ڪندا، پر انهن مان گهڻو ڪجهه پرائيندا.