ڪتاب جو نالو | اسان جو شاهه لطيف (ڪتاب چوٿون) |
---|---|
ليکڪ | ڊاڪٽر فھميده حسين |
ڇپائيندڙ | سنڌي ٻوليءَ جو بااختيار ادارو |
ISBN | 978-969-9098-94-9 |
قيمت | 50 روپيا |
ڪتاب ڊائونلوڊ ڪريو | (440) PDF E-Pub |
انگ اکر | 24 September 2018 تي اپلوڊ ڪيو ويو | 45612 ڀيرا پڙهيو ويو |
جي ليلائي مَ لَهين، تَه پُڻ ليلائيج،
آسر مَ لاهيج، سڄڻ ٻاجهيندڙ گهڻو.
ليلائي: |
منٿ ڪري |
|
آسَر: |
آسرو، اُميد |
لهين: |
حاصل ڪرين، پائين |
|
سَڄَڻ: |
دوست، خيرخواهه |
ليلائيج: |
منٿ ڪج |
|
ٻاجهيندڙ: |
ٻاجهه ڪندڙ، ٻاجهارو، رحم وارو |
بيت جي سمجهاڻي
هيءُ بيت شاهه عبداللطيف ڀٽائي جي رسالي جي ”سُر ليلان چنيسر“ مان چونڊيو ويو آهي. هن بيت ۾ شاهه سائين فرمائي ٿو ته: اي ليلان توکي پنهنجي مڙس جي رضامنديءَ لاءِ عاجزيءَ سان هيٺانئين وٺي ٻاڏائڻ ۽ منٿ ڪرڻ گهرجي ۽ الله مان آسرو نه لاهڻ گهرجي، ڇو ته اهو رحم ڪرڻ وارو آهي. هن ڳالهه مان اسان کي اهو سبق ٿو ملي ته انسان کي پنهنجي رب آڏو هميشه ۽ هر هر ٻاڏائڻ ۽ منٿ ڪرڻ گهرجي. الله تعاليٰ مان ڪڏهن به آسرو لاهڻ نه گهرجي، ڇاڪاڻ ته الله تعاليٰ ڏاڍو ٻاجهه ڪندڙ ۽ رحم وارو آهي. نيٺ ته بندي جو عرض اگهائيندو.