ڪتاب جو نالو | اسان جو شاهه لطيف (ڪتاب چوٿون) |
---|---|
ليکڪ | ڊاڪٽر فھميده حسين |
ڇپائيندڙ | سنڌي ٻوليءَ جو بااختيار ادارو |
ISBN | 978-969-9098-94-9 |
قيمت | 50 روپيا |
ڪتاب ڊائونلوڊ ڪريو | (440) PDF E-Pub |
انگ اکر | 24 September 2018 تي اپلوڊ ڪيو ويو | 45616 ڀيرا پڙهيو ويو |
الله! ڏاهِي مَ ٿِيان، ڏاهيون ڏُکَ ڏسن،
مُون سين مون پِرينِ، ڀورائيءَ ۾ ڀالَ ڪَيا.
ڏاهي: |
سياڻي، عقلمند |
|
ڀورائي: |
ڪم عقلي، اَڻ ڄاڻائي |
مَ: |
نَه |
|
ڀَال: |
چڱائي، سٺائي، ڀلائي |
پرين: |
محبوب، دوست |
|
|
|
بيت جي سمجهاڻي
هيءُ بيت شاهه عبداللطيف ڀٽائي جي رسالي جي ”سُر ليلان چنيسر“ مان چونڊيو ويو آهي.هن بيت ۾ شاهه سائين ٻُڌائي ٿو ته ليلان جنهن سياڻپ سمجهي نَوَ لکي هار عيوض پنهنجي مُڙس جو ڪونئروءَ نالي عورت سان سودو ڪيو هو، اُن کي، اها سياڻپ مهانگي پئجي وئي ۽ مرڳو مڙس من تان لاهي ڇڏيس.
ليلان پڇتائيندي الله تعاليٰ کان دعا گهري ٿي ته اي منهنجا مالڪ! مون کي اهڙو عقل نه ڏي، جنهن ۾ لالچ شامل هجي. اهڙي عقل واريون سياڻيون مون وانگر ڏک ڏسنديون آهن. پر جڏهن مون کي اهو لالچ وارو عقل نه هو ۽ جڏهن آءٌ سادي ۽ سچي هيس ته مون سان منهنجي محبوب مڙس تمام گهڻيون ڀلايون ۽ چڱايون ڪيون.