سنڌي ورچوئل لائبرري

السلام علیکم سامعین! آئیے سندھی سیکھیں۔

سندھی لئنگویج اتھارٹی  کی جانب سے تیار کردہ سندھی کورس کے ساتھ، میں ہوں ڈاکٹر فہمیدہ حسین۔

پچھلے اسباق میں ہم نے زمانہ ماضی میں Pronominal Suffixes  کا استعمال سیکھا تھا۔ امید ہے آپ سمجھ گئے ہوں گے کہ ضمیر متکلم واحد کے لئے’م‘،  ضمیر حاضر کے لئے ’ئی‘ اور ضمیر غائب کے لئے ’سِ‘ کی ضمیری نشانیاں لگا کر مکمل جملے کا مفہوم ہم ایک لفظ میں کس طرح ادا کرتے ہیں، ان کی کچھ مثالیں  بتائیے:

اسماء: چیومانس۔               میں نے اس سے کہا (’م‘ متکلم+ ’س‘ غائب)

چیائینم۔                 اس نے مجھ سے کہا۔

چیائینس۔      اس نے اس سے کہا۔

چیائینِ۔                  اس نے ان سے کہا۔  

چیاؤں نِ۔      انہوں نے ان سے کہا۔

چیئیس۔                 تم نے اس سے کہا۔

چیوَسِ۔                  آپ نے اس سے کہا۔

(حسن دہرائیں گے)

استاد: اب ہم زمانہ مستقبل کی طرف آتے ہیں۔ اس زمانے میں بھی یہی ضمیری نشانیاں لگتی ہیں، مثلاً:

متکلم + غائب

چوندُس۔                 میں کہوں گا۔                   چوندوسانس۔ میں اس سے کہوں گا۔

چونداسُونس۔ ہم اس سے کہیں گے۔         چونداسوں نِ۔ ہم ان سے کہیں گے۔

(آخر میں’سِ‘ ضمیر غائب ہے، جو جمع میں ’نِ‘ ہو جاتا ہے۔)

حاضر + غائب

چوندیں سِ۔             تم اس سے کہوگے۔

چوندؤس۔               آپ اس سے کہیں گے۔

چوندؤنِ۔                 آپ ان سے کہیں گے۔

حاضر + متکلم

چوندیں م۔              تم مجھ سے کہوگے۔ (آخر میں متکلم کی نشانی ’م‘ ہے)

چوندؤم۔                          آپ مجھ سے کہیں گے۔

          (اسماء اور حسن دہرائیں گے)

استاد: اس کے بعد کچھ جملے مؤنث کے بتا کر میں  اس موضوع کو ختم کرونگی۔ اگر مجھے کہنا ہو:

میں اس سے ملوں گی۔ (اس کے دو طریقے ہیں)

ماں ہنَ   ساں ملندیَسِ   یا   ملندی سانسِ

وہ مجھ سے ملے گی۔                              ہوءَ  موں  ساں  ملندی   یا   ملندیَم۔

کل میں اس کے پاس جاؤنگی۔                         سبھاڑیں  ویندی  سانس۔

کل وہ مجھ سے ملے گی تو اس سے کہوں گی۔              سبھاڑیں  ملندیم  تہ    چوندیسانسِ۔

کیا تم کل اس کے پاس جاؤگی؟                       چھا   سبھاڑیں  ویندیںء سِ۔ (ویندیئینس)

اس طرح کی بہت ساری مثالیں دی جا سکتی ہیں، یہ چیزیں سیکھنے سے کم پریکٹس سے زیادہ سمجھ میں آتی ہیں، اس لئےاگلے سبق میں صرف جملے دہرائے جائیں گے۔ کل پھر ملیں گے تب تک کے لئے خدا حافظ۔