Video
بيت: 3
بيت: 3
پَڙهيو ٿا پڙهن، ڪَڙهن ڪين قُلوبَ ۾،
پاڻان ڏوهَه چَڙهن، جِئن وَرقَ ورائين وِترا.
ڪَڙهن: پچائين، هَنڊائين وَرقَ: پنا، صفحا
قُلوب: (قلب جو جمع) دل، مَن ورائينِ: اُٿلائينِ، مٽائينِ
پاڻان: پاڻ تي، پاڻيهي وِترا: گهڻا، ججها
بيت جي سمجهاڻي
هيءُ بيت شاهه عبداللطيف ڀٽائيءَ جي رسالي جي ”سر يمن ڪلياڻ“ مان چونڊيو ويو آهي. هن بيت ۾ شاهه سائينءَ علم ۽ عمل جي اهميت بيان ڪئي آهي ۽ اسان کي سمجهايو آهي ته اسين جيڪي به پڙهون ۽ جيترو به پڙهون، ان کي سمجهي هِنئين سان هنڊائڻ ضروري آهي. بنا سمجهڻ ۽ عمل ڪرڻ جي ٺلها پنا اٿلائڻ مان ڪو فائدو ڪونهي. پاڻ اهو ڏوهه آهي، ان ڪري اسان کي گهرجي ته علم حاصل ڪرڻ سان گڏ ان تي عمل به ڪريون.
لطيفيات
اسان جو شاهه لطيف (جلد ٽيون)
ڊاڪٽر فھميده حسين
سڄي دنيا ۾ اهو دستور آهي ته اتان جا تعليمي ماهر ۽ علمي ادارا پنهنجن ڏاهن، عالمن، اديبن، شاعرن ۽ سندن ڪم جي باري ۾ پنهنجي نئين نسل کي ڄاڻ ۽ آگاهي ڏيڻ لاءِ، انهن جي زندگين توڙي تخليقن بابت ٻاراڻا ايڊيشن ڪڍندا آهن ۽ اهي نه صرف اسڪولن ۾...